Мн^с̑треви мга́рскомү.

Выпи^с̑ с̾ кни^г̑ зем̾скихъ воево^д̑ства киевско^г̑, рокү ҂ах҃лв, м^с̑цӕ ген̾варӕ к҃г дн҃ӕ.

На рокахъ сүдовыхъ зем̾скихъ киев̾скихъ, на зав̾трее по трехъ кролӕ^х̑, свӕте рымъскомъ, в̾ року выше`` написаномъ припалыхъ, и̉ сүди́тисӕ початыхъ, передо мною, стефаиомъ ак̾сакомъ, сү<sup>д̑</sup>ею, а лүкашомъ вито<sup>в̑</sup>ски<sup>м̑</sup>, подъсу<sup>д̑</sup>комъ, үрӕ<sup>д̑</sup>ни̉ками сүдовы̀ми зе́м̾скими киев̾скими, постанови<sup>в̑</sup>шисӕ ѡ̉чевисто смире<sup>н̑</sup>ны`` пафноти`` ѡ<sup>л̑</sup>ша<sup>н̑</sup>ски``, зако^н̑никъ монастырӕ лүбенско^г̑, длӕ в̾писа̀нӕ до книгъ ны̀нешны^х̑ зем̾скихъ кїев̾скихъ, подалъ листъ кнӕжа̀ти̉ коста^н̑того корыбута вишневѐцкого, старосты черка^с̑кого, по^д̑ датою в̾ залозцахъ, дн҃ӕ чотыринадесӕ́того марта, року ти́сӕча шес^т̑сотъ третегонадесӕ^т̑, на потверже^н̑е кгру^н̑товъ, до монастырӕ мгарского належачыхъ, ѡ̉ чомъ то^т̑ листъ шире`` и̉ достато<sup>ч̑</sup>не в̾ себѣ ѡ̉бмов̾лӕѐтъ, просӕчи, абы при́нӕтъ и̉ до книгъ зем̾скихъ киев̾скихъ үписаны`` былъ, которого мы̀ сүдъ, при``муючи, пере^д̑ собою чита̀ти казали̉ есмо, и̉ так̾ сӕ в̾ собѣ мае^т̑. ́