Князья Вишневецкие. Источники

Ѻ̓́зна``му́ю ты̀мъ лѝстомъ мои̉мъ, кому бы ѡ̉ томъ вѣдати нале́жало, нн҃ѣшнымъ и̉ потомъ будүчимъ, и̉жъ ӕ̉, с̾ пови^н̑ности моеѝ хр^с̑тиӕ^н̑скоѝ, помнечи те́жъ волю и̉ пре^д̑сев̾зӕ^т̑е славноѝ памӕти милого ма^л̑жо^н̑ка моего, кн҃жати михаи̓́ла корыбута вишневѐцкого, и̉менемъ его̀ власны^м̑, позво́лиламъ и̉ тымъ лѝстомъ мои̉мъ позволӕ̀ю фундова̀ти монастырь за лубнӕ̀ми, ѿ лубѐнь полъ ми́ли, ү лѣсе мгарскомъ, на горѣ, где пере^д̑ тымъ бывала пасѣка, а сна^т̑, слыше, бывалъ коли^с̑ и̉ монастыръ, и̉ поручила^м̑ тое мѣстъце ве владзү и̉ вшелӕ̀кое справова^н̑е г^с̑дну ѿц҃ү и̉саїѝ, їгүменү гүсты^н̑скому и̉ по^д̑горскому, которому и̉ во все`` маетъности мое`` заднѣпровско`` үве^с̑ рӕдъ и̉ справү дх҃овиую з̾алециламъ. Теперъ в̾ поча^т̑ку дерево бүдованӕ старого замъкү, которое сӕ зы``детъ до того̀ мѣстъца ст҃ого, дарүю; млы^н̑ки ѡ̉бадва, нижшы`` и̉ вышъшы``, подъ тоею жъ горо́ю, на рѣчце ѡ^л̑ша^н̑це, с̾ по^д̑даными, на томъ же кгру^н̑тѣ мешкаючи̉ми, придаю, и̉ кгру^н̑тъ до него̀ такъ назнача́ю: ѿ ѡ^л̑ша^н̑ки рѣчки̉ в̾дол̾жъ до другои̉ рѣчки, мгара̀, з̾ ѡ̉бѣма берега̀ми ты^х̑ рѣчокъ, а в̾ширъ ѿ ложечи́ны лүкѝ з̾ лѣсомъ и̉ зо всею̀ до сүлы рѣки. А и̉жъ маю́ вѣдомос^т̑, же до паханӕ хлѣба тои̉ кгрү^н̑тъ барзо естъ тѣсны``, теды вол̾но будетъ монастыреви пахати хлѣба и̉ сѣна косити и̉ до самаго үдаӕ рѣки, которы`` то үда`` тамъ, слыше, неподале́ко того кгру^н̑ту и̉де^т̑, и̉ чого колвекъ напо́тымъ до мѣстъца ст҃ого на үфүндова^н̑е и̉ розшире^н̑е хвааы бж҃ои буде^ж̑, потреба, ѡ̉хо^т̑не и̉ ласкаве ставитисӕ ѡ̉бѣцүю. А теперъ тотъ крүнтъ со всею̀ ѡ̉коли^ч̑ностю́ и зо всѣми пожи^т̑ками, в̾ чы^м̑ бы ко^л̑векъ пожитокъ собѣ мѣти могли, на монастыръ на хва́лү бж҃ию ѡ̉фѣрую́ и̉ вѣчными часы дарүю, которого то кгрү^н̑тү маютъ үжива́ти споко``не, ненарүшо́не, без̾ вшелӕ̀кое перешко́ды такъ ѿ старостовъ, аре^н̑даро́въ, ӕко и̉ ѿ по^д̑даныхъ нашихъ; вол̾но и̉мъ буде^т̑ бүдовати и̉ млыны ку пожи^т̑кови своему в̾ ты^м̑ же кгру^н̑тѣ, ѿ на^с̑ назначономъ, и̉ в̾шелӕ̓́ки`` пожѝтокъ себѣ прив̾лащати, и̉ при̉множати, в̾ чымъ бы ко^л̑векъ на``пожи̉те^ч̑нѣ`` себѣ мѣти моглѝ. А то̀ үчини́ламъ длӕ з̾бавїенӕ дш҃ѣ моеѝ, ӕ̉ко и̉ длӕ вѣ́чнои̉ памӕти и̉ ѿпущенїӕ грѣховъ зешлого з̾ того свѣта кн҃зӕ михаи̓́ла вишневецкого, мѝлого малжонъка моего, абы такъ за дш҃у его̀, ӕ̉ко и̉ за на^с̑ и̉ пото^м̑ки на́ши̉, на томъ ст҃омъ мѣстъцу мо^л̑ва до гд҃а бг҃а завше без̾преста^н̑но ѿ- /н҃г/ правова́тисӕ могла. Поручаемъ то^т̑ кру^н̑тъ на үфү^н̑дованїе мн^с̑трӕ вышъ менованому г^с̑дну ѿц҃ү и̉саїѝ, которомү и̉ другие два̀ монастырѣ по^д̑ прилу́кою, гүсты^н̑ски`` и̉ ла́ди^н̑ски``, такъ же на үфүндова^н̑е и̉ розмиоженӕ хвалы бж҃еѝ, житїӕ зако^н̑ного и̉ноческого старожи^т̑ноѝ релїѝ грече^с̑кои`` восто^ч̑ного православїӕ, злециламъ, абы ѡ̓́нъ моглъ стара^н̑емъ своимъ всѐ доброе в̾ маетностӕ^х̑ иашихъ заднѣпрскихъ, такъ хр^с̑тиӕ^н̑скимъ дш҃амъ, ӕ̓́ко и̉ славѣ́ домү нш҃му спра̀вити, и̉ в̾шелӕки`` порӕдокъ вестѝ, и̉ даю то ѡ̓́ному до живота̀ его̀. Єсли бы тежъ ѡ̓́нъ любъ самъ хотѣлъ ѡ̉ставити̉, любо ӕки^м̑ же ко^л̑векъ способомъ мѣли тые монастырѣ ѿ него ѿи̉ти, теды его коштъ вла^с̑ны`` и̉ накла́дъ, што ѡ^н̑ъ наложилъ, жа́дны^х̑ бра́нӕ ему̀ пожи́тъковъ не вымов̾лӕючи и̉ не вытруча́ючи, үве^с̑ накла^д̑ его̀ и̉ коштъ, которы`` ко^л̑векъ за стара^н̑емъ его̀ бы былъ, ѿ ма́ла и̉ до вели̓́ка, и̉ до намнѣ``шоѝ речи, гинути̉ не ма́етъ, такъ ѿ на^с̑ самы^х̑, ӕко и̉ потом̾ковъ нашихъ, кому ко^л̑векъ бы ты́е мѣстъца ст҃ые в̾ напото^м̑ны`` ча́съ ѡ̉ста̀тисӕ мѣли. Єсли бы тежъ ӕки^м̑ же ко^л̑векъ ѡ̉бы́чаемъ мѣлъ быти ѿ кого к̾ то^м̑ үкривжоны``, те́ды доходити свое́го накла̀дү и̉ кошту пра́вны^м̑ способомъ мо́цъ даемъ. Все тое тымъ листо^м̑ наши^м̑ теперъ, и̉ в̾ напото^м̑ные ча̀сы по на^с̑ будүчимъ, варуемъ, абы ѡ̓́ному жа^д̑ноѝ крив̾ды и̉ үтра̀ты, ӕко духов̾но`` ѡ̉собѣ, бг҃омо^л̑цы нашому, не было̀ ни ѿ кого, и̉ по смр҃ти свое`` кому ѿ^н̑ вмѣсто себе, знаӕ̉чи, ӕко`` духовно`` ѡ̉собѣ побожно`` в̾ справова^н̑е тые ст҃ые кгды жъ ѡ̓́нъ тымъ всѣмъ монастыремъ фүн̾даторо^м̑ и̉ поча^т̑комъ и̉ строи̉теле^м̑ естъ. И̉ хто бы ко^л̑векъ түю фүнда́цыю нарүша̀ти и̉ касова̀ти в̾ напото^м̑ные часы мѣлъ, або ѡ̉ды``мовати, що`` мы раз̾ надали, або на старожитъную бл҃гочестивую восто^ч̑ную православную вѣру наступова̀ти и̉ ѿмѣнӕ̀ти, теды неха`` будетъ на немъ клӕтва ст҃ыхъ ѡ̉тецъ трѝста и̉ ѡ̉смънадесӕтъ, и̓́же бо никеѝ, и̉ роз̾судитъсӕ со мно́ю передъ маеста̀томъ бж҃їимъ. А длӕ лѣпшоѝ вѣры, вагѝ и̉ ствержѐнӕ, даю то`` мо`` ли̓́стъ, с̾ притисне^н̑емъ печа̀ти̉ и̉ с̾ по^д̑писомъ руки мое́ѝ. Писанъ ү ви́шнев̾цү, ҂ах҃ѳі, м^с̑цӕ їанүариӕ и҃і дн҃ӕ.

Рүкою вла^с̑ною

Мѣстъце печати кн҃гини вишневецъ кои. /н҃д/

http://litopys.org.ua/

На предыдущую страницу | На главную страницу