Князья Вишневецкие. Источники

Во и̉мӕ̀ ѿц҃а, и̉ сн҃а и̉ ст҃ого дх҃а, ами̓́нь. Ста^н̑сӕ волӕ бж҃иӕ, и̉збавителӕ нш҃его іс҃ хр^с̑та; еv^г̑елїемъ будүчѝ знасъ кожды`` в̾ право`` вѣрѣ на``дуючи``сӕ үпевнены``, же часу́ ѡ̉ста^т̑него кре́сү живота́ нашего, на то^м ѡ̉плака́номъ падо́лѣ плачу, певного вѣдати̉ не мо́жемъ, тымъ наво̀дитъ такую певнос^т̑ маючи ѿ̓́ невѣдомости̉ зе``стӕ свое́го из̾ того мизерного свѣта, абы на кожды`` ча^с̑ вшелӕки`` члв҃къ в̾ горӕ̉чихъ мл҃твахъ готуючи̉сӕ пре^д̑стати̉ сүдү енера^л̑ному, бж҃ому, на``дова^л̑сӕ и̉ до́сить үчи̓́не^н̑е за прегрѣшенїе своѐ тутъ будүчи в̾ теле постомъ, слезами̉, мл^с̑тынею, мл҃твами̉, спове^д̑ю̉, причащенїемъ ст҃хъ животворӕщихъ таи̉нъ хр^с̑выхъ, и̉ тымъ подобными̉ цр҃кви̉ восхо^д̑не``, дорогами̉ үзаконенными̉, ѿправовалъ. таковы^м̑ напомина^н̑емъ. И̉ ӕ̓́, рабъ бж҃и``, їеромонахъ їлїӕ тор̾ски``, игуменъ густы^н̑ски``, будучи̉ үвѣдомле́нъ, ачъ ко^л̑векъ хоры`` на тѣлѣ, алѐ добре здоровы`` на үмыслѣ, и̉ сталымъ розсу^д̑комъ а порадою ст҃ыхъ бг҃оносныхъ ѿц҃ъ и̉ правы^х̑ үчи̓́теле`` цр҃кви ст҃ои х^с̑вои восто^ч̑ноѝ, напро^д̑ зезнава́ю и̉ през̾ /м҃є/ се`` нн҃ѣшны`` тестаме^н̑тъ, г^с̑ду бг҃у, бо тро``ци̉ ст҃о`` еди̓́номү, сотвори̓́телевѝ моемү и̉ все`` аси^с̑сте^н̑цыи̉ нб^ч̑но``, и̓́ кождому в̾ хр^с̑тиа^н̑ствѣ на``дуючомүсӕ, ѡ̉свѣдча́ю, и̉ всѣмъ сыномъ мои^м̑ в̾ дх҃у ст҃омъ, а в̾ хр^с̑тѣ бра́ти̉ӕмъ, бол̾шы^м̑ и̉ ме^н̑шымъ, зна``дуючи^м̑сӕ ту́тъ, на семъ ст҃омъ мѣстъцү, ту́тъ и̉ на сү̀дѣ бж҃омъ, и̓́жъ ӕ̓́ в̾ правди́во``, всхо^д̑но``, соборно``, ап^с̑тлко`` цр҃кви, седми ст҃ыми соборами запечатлѣ^н̑но``, а во вѣре то``, которүю намъ г^с̑дь нш҃ъ іс҃ хс҃, и̉збави̓́те^л̑ всего̀ свѣта, постанови̓́ти рачилъ, үмерти хощү, и үми̉раю́м в̾ не`` тѣломъ мои^м̑, дш҃у мою̀ грѣха́ми многи̉ми ѡ̉тӕгче^н̑нүю милосерди̉ю бж҃омү полецаю́, маючи зүпе^л̑ную а неѿмѣ^н̑ную вѣрю в̾ его̀ ѿцевско^м̑ мл^с̑рдию и̉ засмузѣ сына бж҃ого, и̓́жъ не будетъ в̾ сүдъ зо мною вхоби̓́ти̉, але мӕ в̾ ласкү свою̀ до вѣчноѝ хвалы до мѣстъ ст҃ымъ үготова^н̑ныхъ запровади̉ти рачи̉тъ. Такъ тежъ и̉ то́е ѡ̉свѣдча́ю ты^м̑ ѡ̉ста^т̑ны^м̑ зезволе^н̑емъ мои^м̑, и̓́жъ што̀ ко^л̑векъ вношенѧ мое́го з̾ пра̀цы мое́ѝ вѣрноѝ до сего̀ ст҃ого мѣстъца естъ, то естъ, книгъ та́къ слове^н̑скихъ, ӕ̓́ко и̉ по^л̑ски^х̑, всѣ а всѣ ве^д̑лу^ч̑ рее́стрү подаю̀ во вѣчную свою̀ памӕ^т̑ и̉ за дш҃вное мое́ сп^с̑ние нигде и^н̑де, ты^л̑ко ѡ̓́вде, тому̀ мн^с̑трови гүсты^н̑скомү, и мѣстъцү ст҃омү, гдѣ и̉ погребенъ бы́ти маю̀. Гроша̀ скарбу, што было з̾ худости мое́ѝ тутъ, тежъ з̾ початъкү все ра^с̑точилемъ на сыри`` коре^н̑ заста^в̑ши, што̀ естъ вѣдомо бг҃у мое́мү, и̉ всѣмъ брати̉ӕмъ, дѣтемъ мои̓́мъ духовны^м̑, а теперъ бг҃ъ вѣсть же, ѿнюдъ, при зе``стю мое́мъ з̾ того свѣта, при̉ всѣхъ братїӕхъ не ѡ̉сталосӕ, а ничтоже гро́ше``, кромѣ быше`` менованыхъ кни̓́гъ, и̉ сүке^н̑е, тоѐ всѐ розсү^д̑ку и̉ үва́зѣ брати`` ч^с̑тныхъ полецаю́, ӕ̓́ко ихъ естъ үваже^н̑е; сүкнѣ на полату. Напродъ то́ варүю и̉ бг҃омъ үклинаю́, абы не заведены былѝ реме^с̑ни̉кѝ в̾ свои́хъ и̓́хъ працахъ, сницеровн̉ чотыри ста золоти^х̑, иѡ̓́сифү маи̓́стрү, теслѣ сто семъдесӕтъ и̉ три золотыхъ гро́ше``, конӕ з̾ возомъ и̉ во всемъ ему̀ слу́шне нагороди̓́ти присто́итъ; и̉ его мл^с̑ти еп^с̑пү печарномү, г^с̑дну ѿц҃ү зосимѣ, шес^т̑десӕтъ золотыхъ ѿдати̉; такъ же мещани̓́нү бурмистрү киевскомү, панү и̉ванү сказ̾цѣ, пӕтьнадесӕ^т̑ золоты^х̑ ѿдати. Прито^м̑ тежъ пи^л̑но бг҃омъ всѣхъ васъ братїѝ и1! сыновъ милыхъ үпоми̉наю́ и̉ слезнѣ молю̀, абысте по^д̑ клӕ^т̑вою ст҃ыхъ и бг҃огоносныхъ ѿц҃ъ, хто бы мѣлъ ӕкїѝ турбацыѝ, або бүнты чини̓́ти̉, несогла^с̑но братїѝ, да будетъ проклӕтъ таковы``, но с̾ пора̀дою старшы^х̑ братїи̉ соборныхъ. По зе``стю моемъ с̾ того̀ свѣта, з̾ промежку себе, з̾ свои̉хъ братїи̉, на пре^д̑стательство и̉ їгүменство ѡ̉бравши̉, до пастырӕ з̾вѣрх̾нѣ``шого, ѥго̀ мл^с̑ти ст҃ите^л̑ско``, ѿц҃а метрополита, по бл҃гословенїе слали̉, не и̉з-/м҃s/ бираючи̉ з̾ инъшыхъ ѡ̉гра^д̑ старшого, дабы всӕ, такъ ва^м̑, ӕко и̉ мѣстъцү ст҃омү, в̾ расколъ и запүстѣнїе не пришло̀, үважне всӕ творѣте; аще бүдете в̾ союзѣ любвѐ, всӕ вамъ бүдетъ ѿ бг҃а поспѣшествүема. Потомъ тежъ пи^л̑но а пи^л̑но стара^н̑е твори̓́ти есте долъжны, моли̓́ти его̀ пастырскоѝ ласки, ӕ``ко ѿц҃а и̉ бл҃годѣтелӕ своего, абы̀ дати мо́глъ бл҃гослове^н̑ны`` сво`` листъ со свои^м по^д̑пи̉сомъ рүкѝ, а стверже^н̑емъ ст҃ѣ``шого патриархи, во вѣчиые роды и̉ сохраненїе ст҃ого мѣстъца ѿ сопротивныхъ. Пилно сѧ стара``те ѿ кн҃зӕ его мл^с̑ти такъ же, абы мо́глъ в̾ напото́мные часы привилеемъ свои̉мъ тое ст҃ое мѣстъце и̉ живүщи^х̑ на немъ ѡ̉бваровати̉ ѿ вшелӕ̓́кого пресаѣдованӕ и̉ үти^с̑кү, противе^н̑ства, и̉ пото^м̑комъ свои^м̑ абы такъ же в̾ то^м̑ же своїомъ приви̉лею загрозити ра́чилъ. Ѻ̓́ то^м̑ за́сь пи^л̑но те́жъ не презыра``те, абы бра́тїӕ ѡ̉вде, во ст҃омъ мѣстъцү живүщїѝ, зра^д̑ и̉ збѣговъ свово^л̑ныхъ не творили, ѿ того жъ ѿц҃а и̓́ пастырӕ звѣрхнѣ``шого, его`` мл^с̑ти ѿц҃а митрополи̓́ты, не бл҃гослове^н̑ны`` лис^т̑ мѣти. А̓́ на``барзѣ`` үпоми̉наю и̉ бг҃омъ вѣчне заклинаю, и̉ на сүдъ его̀ стра́шны`` поволываю́ таково́го кождого з̾ братїѝ, которы`` бы мѣлъ старшого, то естъ, и̉гүмена, в̾ зневазѣ мѣти̉, и̉ противъ ѡ̓́номү, любо в̾ ѡ̓́чы, а барзе`` заѡ^ч̑не, турбацыѝ поку^т̑ныѝ, и̉ несна^с̑ки и̉ гомоны, и̉ раздоры починати̉ чинити, да бүдетъ емү небл҃гословенїе ст҃ого ѿц҃а и̉ пастырӕ звѣрхнѣ``шого, ѿц҃а митрополиты, бл҃гоч^с̑тного, и̉ клӕ^т̑ва; но дабы всӕ̀ со бл҃гоговѣ^н̑ство^м и̉ стра́хомъ бж҃їи̉мъ, и̉ с̾ покоренїемъ старшомү, и̉ мѣстъцү ст҃омү, всӕкъ бра́тъ послѣдъствовалъ, и̉ по воли х^с̑во`` творилъ, да в̾ послушанїѝ животъ вѣчны`` ѡ̉брӕщетъ всӕкъ, а в̾ преслушанїѝ смерть наслѣдитъ, зѣ́ло сѐ блюсти тре́бѣ естъ. Сүма̀ те́жъ, четыри ста̀ золоты^х̑ ү пана и̉ва́на күзми̉ча, ү премышлю, свѣдома всѣмъ естъ, а̉ запи^с̑ его̀ ү пана зѣн̾кеви̉ча естъ, листы те́жъ такъ ц^с̑ркие, ӕко и̉ г^с̑дрские, мѣти то́е ү слушномъ схованю, бо́ то скарбъ естъ мѣстъцү ст҃ому в̾ напото^мные ро́ды. Што̀ стра́тили̉ были̉ наши ант^т̑ец҃есорове, то сӕ не^н̑дзою мое́ю з̾ братїӕми̉ тӕжкою, зале^д̑во до^л̑гимъ часомъ ѿшука́ло паки до мн^с̑тырӕ ст҃ого, такъ село̀, кгрү^н̑ты, млыны, и̉ про^ч̑., прошү̀ ва^с̑ ѿц҃ы и̉ братїѧ, да бы^с̑те нѣӕкимъ свои̉мъ нерадѐнїемъ, и̉ незгодою паки не үтратили̉. Үважа``те тое в̾ себѣ, а бл҃годарствѣте пи^л̑но г^с̑да ѡ̉ всемъ, ӕ̓́же мл^с̑тию своею́ всӕ бл҃гаӕ дадѐ ва́мъ; токмо sѣло бл҃годарны бу^д̑те, бо всемъ вамъ бг҃ъ, всӕ поспѣшитъ и̉ пособитъ; а ѡ̉ мнѣ молю, молю̀ васъ, г^с̑да бг҃а ѡ̉ мл^с̑ть просѣте, да бүдетъ мнѣ бо день сүда ми̓́лостивы``. Сотворы^х̑ сы`` мо`` тестаментъ з̾ /м҃з/ доброѝ мое́ѝ во́ли̉, и̉ даю братїѝ моїо`` и̉ сыномъ в̾ дх҃ү ст҃омъ милы^м̑, с̾ по^д̑писомъ рүкѝ мое́ѝ и̉ с̾ при̉ложе^н̑емъ печати̉. Дѣӕлосӕ в̾ мн^с̑трю гүсты^н̑ско^м̑ рокү бж҃ого ҂ах҃ме, м^с̑цы авгүста дн҃ӕ десӕтого.

І̓́еромона^х̑ їлїӕ`` торски``, їгүменъ гүсты^н̑ски``,

рүкою моѐю вла^с̑ною.

Печа^т̑ мн^с̑трӕ ѡбщежите^л̑ного гүсты^н̑ского ст҃ои`` живонача^л̑ноѝ тро``цы.

http://litopys.org.ua/

На предыдущую страницу | На главную страницу