Ра́зныӕ замѣ́тки.

Рокү ҂ах҃оа҃, м^с̑ца ноебрїѧ дн҃ѧ к҃и, з̾ сүботы на неделю, на трете`` годинѣ в нощъ, з̾ бж҃ого допүщенӕ̀ в̾ гүстынѣ мн<sup>с̑</sup>трѣ прилуц̾комъ, цр҃ковъ вели́каӕ тро``цы живонача^л̑но`` со всею красотою своею̀ з̾горѣла, такъ же и̉ дз̾во^н̑ницӕ новаӕ коштовнаӕ з̾ чотырми великими дзвонами, үез̾днаӕ, вакшта беликаӕ, и̉ бакшта дрүгаӕ з̾ горницею, и̉ полата мн^с̑трскаӕ, зо всѣмъ с̾ прӕто^м̑ мн^с̑трки^м̑ з̾горѣла, такъ же жъ келїѝ, и̉гуме^н̑скаӕ, намѣсницкаӕ, үставницкаӕ, еконо^м̑скаӕ, и̓́жъ всѣхъ келїи̉ шес^т̑на^д̑цӕ^т̑ з̾горѣло. А пре^д̑сӕ з̾ ласки бж҃еѝ, за мл҃твами пр^с̑тоѝ б^д̑ци, бол̾шаӕ половица цѣлого мн^с̑трӕ ѡ̉сталасӕ, то е^с̑ цр҃ковъ на бакштѣ ст҃ыхъ верховны^х̑ ап^с̑тлъ, и̉ цр҃ковъ дрүгаӕ үспенѝе пр^с̑тыӕ дв҃ы б^д̑ци в̾ трапезѣ, и̉ ке^л̑їѝ бо^л̑шыѝ пона^д̑ рѣкою; а тое ста́лосӕ за и̉гуме^н̑ства на то^т̑ часъ авѯе^н̑тїѧ їѡ̓́а́кимовича.

А пере^д̑ ты^м̑ рокү ҂ах҃лs то``же мо<sup>с̑</sup>тръ гүсты<sup>н̑</sup>ки`` үве^с̑ выгорѣвъ, и̉ цр҃ковъ, трапеза и̉ ке^л̑лїи всѣ, и̉ длӕ того прозыва́етъсӕ тое мѣстъце старымъ монастыромъ, где теперъ ѡгоро^д̑ и̉з̾ садо^м̑.

Ро́кү ҂ах҃ов, посли того̀ страшно^г̑ пожарю, бл҃годатию бж҃иею, з̾бүдовали бакштү и̉ дз̾во^н̑ницю и̉ повыливали дз̾воны, и̉ келїи̉ мало по^д̑ десӕтокъ поставили, з̾ чого гд҃у бг҃у хвала, и̉ пр^с̑то`` г^с̑пжѣ бц҃и, котораӕ все з̾рүинова^н̑ное ст҃ое мѣстъце ѡ̉гнемъ, ѡ̉гнемъ милосердиӕ своего направнти и̉ үстрои̉ти можетъ, и̉ до першои и̾ каснѣи̉шои ѡ̉здобы припроводить. /ѯ҃г/

Ѻ̓́ заложеню цр҃кви мүрованоѝ посли того страшного пожарю, которо`` заложе<sup>н̑</sup>е было на празд̾дникъ пр<sup>с̑</sup>тыӕ живонача<sup>л̑</sup>ныӕ и̉ нераздѣлимыӕ тро``цы, и̉ сиѐ, ниже`` положе<sup>н̑</sup>ное, пис̾мо в<sup>о̑</sup> каме<sup>н̑</sup> четвероүгол̾ны``, на которо^м̑ крес^т̑ выбиты`` и̉ шүфлӕда, где пис̾мо на паргаминѣ тыми словы писано, и̉ мощи розныхъ ст҃ыхъ в̾ то`` же каме^н̑ на фү^н̑даме^н̑тъ, где в̾ ѡ̉лтарю горнее сѣдалище, в̾ложе^н̑но, тыми сло́вы писа^н̑ное:

Во и̉мӕ ѿц҃а, и̉ сн҃а, и̉ ст҃ого дх҃а, ами^н̑.

Ѻ̓́снова́сӕ сиӕ церковъ, храмъ пр^с̑тыӕ живонача^л̑ныӕ и̉ нераздѣлимыӕ тро``цы, в̾ мн<sup>с̑</sup>трю ѡ̉бщежите<sup>л̑</sup>номъ гүсты<sup>н̑</sup>ско<sup>м̑</sup>, при державѣ бл҃говѣрного, бл҃гочестивого цр҃ӕ нш҃его и̉ великого кн҃зӕ, а̓́леѯѣӕ миха``ловича, всеӕ великїӕ, малыӕ и̓́ бѣлыӕ россїи самодержца, и̉ при ктиторѣ ст҃ыӕ ѡ̉бители сеӕ гүсты́нѣ, ӕ̓́сне вел̾можномъ, его мл^с̑ти пану и̉ѡа^н̑нү само``ловичү, гетманү его цр҃ского пресвѣтлого величе<sup>с̑</sup>тва, во``ска запорозского, и̉ за бл҃гословениемъ ст҃ителӕ, ӕ̓́сне в̾ бг҃у преѡ̉^с̑ще^н̑ного, его мл^с̑ти г^с̑дна ѿц҃а лазарӕ барановича, архиеп^с̑па чернѣговскаго, новогоро^д̑ско^г̑ и̉ всего сѣвера, а за и̉гүме^н̑ства на то`` ча<sup>с̑</sup> в̾ бг҃у превелебного г<sup>с̑</sup>дна ѿц҃а авѯе<sup>н̑</sup>тиӕ їѿ̉акимовича, и̉ все`` ѡ̉ хр^с̑тѣ братїѝ его̀, року ҂ах҃од, м^с̑цӕ їюнӕ и҃ дн҃ӕ, и̉ положены в̾ томъ камени мощи ст҃ого и̉ прп^д̑бного ѿц҃а нашого пимина печерского, и̉ прочихъ свӕтыхъ, бл҃гоүханїӕ и̉сполне^н̑ныхъ, мощи, и̉хъ же и̓́мена самъ г^с̑дь бг҃ъ вѣ^с̑. Такожде з̾дѣ полагаетъсӕ час^т̑ка каменӕ з̾ выѳлеѡ^м̑ского вертепа, где г^с̑дь нш҃ъ їс҃. хс҃. народи^л̑сӕ; здѣ же положенъ и̉ каме^н̑ ѿ горы̀ ст҃и̉, нарицаемыӕ четыредесӕ^т̑ницы скалы̀, где самъ х҃с. сѣдѣлъ, и̉деже сатана и̉скушалъ алчуща^г̑ хр^с̑та; р̾цѝ, рече, каменїю семү да хлѣбы бүдүтъ. Тутъ же вложе^н̑а и̉ землӕ ст҃аӕ з̾ по^д̑ каменӕ н̉ѡр̾данского, где х҃с. крести^л̑сӕ, ему же слава буди со без̾нача^л̑ны^м̑ его ѿц҃емъ и̉ пр^с̑тымъ, бл҃гимъ и̉ животворӕщи^м̑ дх҃омъ, нн҃ѣ и̉ пр^с̑но и̉ бо вѣки вѣко^м̑, аминь.

Рокү ҂ах҃ог, їюнӕ м^с̑ца, колодӕзь з̾мүровано посре^д̑ мона^с̑тырӕ, и̉ колесо з̾ двома вѣдрами великими үроблено, которыми и̉ тепер̾ водү тӕгнүтъ, у котораго колодӕзӕ и̉ церковъ з̾мүровано, рокү ҂ах҃оs, августа а҃.

҂ах҃пз, їюлӕ к҃г, на^в̑ коломако^м̑ е^г̑. м^л̑. п̾. ївана само``ловича з̾ гетманства зложено, а вмѣсто его е^г̑ м^л̑. п̾. ївана мазепү наставлено гетмано^м̑.

Того^ж̑ рокү, а̉ м^с̑цӕ а̉vгүста в҃, пострада^л̑ неви^н̑ное ү̉би``ство ѿ свои<sup>х̑</sup> по<sup>л̑</sup>чанъ пн҃ъ лазаръ горленко, полковни<sup>к̑</sup> стародавны`` прилүцки``, и̉ похованы`` в̾ рүнѣ та^м̑же, в̾ по-/ѯ҃д/ полю, межи кодако^м̑ и̉ самарю, где и̉ могилү зна^ч̑нүю висипано на^д̑ ни^м̑ в̾ ко^т̑ро`` лѣтъ і҃ лежа<sup>л̑</sup>; а̉ кгды г<sup>с̑</sup>дь бг҃ъ накерова<sup>л̑</sup> серце е̓́го м<sup>л̑</sup>. пн҃ү дими<sup>т̑</sup>рию горленкү, полковникү прилүцкому, сынү и̉ на<sup>с̑</sup>лѣдникү его̀, за вѣдомостю гетманскою бүдүчи з̾ полко<sup>м̑</sup> свои<sup>м̑</sup> на то<sup>м̑</sup> же мѣсцү, ѿкопа<sup>л̑</sup> тѣло мило<sup>г̑</sup> пн҃а родича своего и̉ почѐсне допровади<sup>л̑</sup> до прилүки, а ѿтолӕ до мн<sup>с̑</sup>трӕ нш҃его, гүстинѣ, идеже с̾ пѣнїемъ на<sup>д̑</sup>гробнымъ положи<sup>л̑</sup>сӕ в̾ склепѣ, в̾ велико`` цр҃квѣ пр^с̑то`` тро``ци мүровано``, рокү ҂ах҃чз, сеп^т̑ е҃і.

Рокү бж҃ого ҂х҃чз, м^с̑цӕ ноевриӕ и҃ дн҃ӕ, бл҃горо^д̑ны``, его мл<sup>с̑</sup>ть, пн҃ъ димитри`` горленко, полковникъ е̓́го цр҃с. пре^с̑. ве^л̑ч. во``ска запороз., прилүцки`` ӕ̉ко горливы`` сынъ цр҃кви бж҃е`` и̉ любӕчи`` бл҃голѣпїе еӕ̓́, приѡздобилъ и̉конү намѣстнүю пр<sup>с̑</sup>тыӕ бг҃ро<sup>д̑</sup>ци шатою сребрӕною позлащенною, сво<sup>м̑</sup> пански<sup>м̑</sup> кошто<sup>м̑</sup>, в̾ мн<sup>с̑</sup>трү нш҃е<sup>м̑</sup> гүстинѣ, во храмѣ пр<sup>с̑</sup>тыӕ тро``ци, мүровано^м̑.

Началъ їгүменовати ѿц҃ъ а̉vѯе^н̑ти`` ѿ рокү ҂ах҃ѯе, генвара к҃з.

Нача^л̑ їгуменъствовати ѿц҃ъ и̉ѡ̉въ ѿ рокү ҂аψ҃г, августа s҃. /65/