Князья Вишневецкие. Источники

Прошу үнижо́не, абы таӕ́ цедүла моӕ̀ могла быти ѿ вашо`` кн҃жо`` мл^с̑ти милостивно, без̾ ѡ̉бра́зы дүховне, прочи̉та^н̑наӕ и̉ дишкреце үважена, спови^н̑но^с̑ти абовѣмъ то моеи̉ пастырскои̉ писати мушү. Вели̉ки`` жа́ль, мл^с̑тивы`` кн҃же, ср^д̑ца нш҃его всѣхъ на^с̑ духовныхъ и̉ всего православнаго хр^с̑тїа^н̑ства зды``муетъ, видѧчѝ вашү кн҃жүю млс^т̑, пожада^н̑нүю үтѣ́ху нш҃у, старожитноӕ релїи гре^ц̑коѝ, про^д̑ковъ и̉ роди̓́теле`` свои̓́хъ ненаслѣдүючого; не мнѣ̀ тежъ пла́четъ и̉ ве^л̑це лӕме^н̑туе^т̑ црк҃овъ бжаӕ, матка нш҃а, жѐ ею̀ ваша кнж҃аӕ млс^т̑ згоржати ра́чишъ. З великою ѡ̉хотою всѣ ѡчекивали^с̑мо пожада^н̑оѝ үтѣхи нш҃оѝ, але вмѣсто того на^дсподѣва^н̑е наше, в̾ смүтокъ сӕ намъ ѡ̉бороча́етъ. Што́ жъ ваша кн҃жаӕ милс^т̑ ѡ̉бачилъ в̾ црк҃вѣ бж҃о`` вонътпливого, што̀ поде``зроного, што за герезїю? Або не ѡ̉на е́стъ маткою всего хр^с̑тиӕ^н̑ства; або не їер^с̑лимъ естъ головою́, по г^с̑дѣ бз҃ѣ, всего свѣта; або не ѿто^л̑ вѣра хр^с̑тиа^н̑скаӕ початокъ и̉ фү^н̑даме^н̑ сво`` взӕла? Ѿ сиѡна а́бовѣмъ вы``шолъ законъ, и̉ слово г^с̑дне ѿ їер^с̑ли̓́ма, ӕ̓́ко мови^т̑ проро^к̑. Або не та^м г^с̑дь нш҃ъ їс҃ хс҃ кро́вїю своею прена``свӕтѣ``шою сп^с̑ние нш҃е справилї, або не тамъ кровїю своею прена``дорожшою үве^с̑ свѣтъ ѿкупи̓́лъ; або не та^м на``першого еп^с̑па, патрїархү їер^с̑лмкого, намѣстника своего̀, са́мъ поста́вилъ, ӕ̉ко пи^с̑мо свѣдъчитъ; азали не ѿту^л̑ наүка х^с̑ва по всемъ /м҃/ свѣтѣ сӕ розшири̉ла, ѿ всходү ажъ и̉ до заходү слн҃ца, и̉ до самого ры̀му за``шла? Чимъ же рымъ лѣпши`` естъ ѿ їер^с̑лима; чему їер^с̑лимомъ, ма^т̑кою всѣхъ црк҃ви``, гордӕтъ а̉ до рымү сӕ горнутъ, їер^с̑ли^м з̾неважаютъ, а ры^м выносӕтъ? Єсли длӕ славы того́ свѣта, если длӕ великаго бога^т̑ства, то су^т̑ рѣчи марныи и здра^дливыѝ. Не еди^н̑ сӕ на то^м ѡ̉шука́лъ; не за иы^м правдиваӕ вѣра и̉детъ, не за ты^м правдиваӕ вѣра познана бы́ти маетъ, абовѣмъ г^с̑дь їс҃ хс҃ не ве^длугъ того свѣта своѝ речѝ справүетъ; іс҃ хс҃ са́мъ былъ үбоги`` и̉ взгоржены`` ѿ люде``, а и̓́ро^д̑ и̉ пилатъ славны и̉ вел̾можны; үчени̉ки їс҃ хв҃и ненъдзны и̉ үбоги, а жиды и̉ фарисеи̉ бога́ты. Азали пото^м аппробована маетъ бы́ти рѣчъ правди́ваӕ? І̓́ер^с̑лимомъ нетре́ба горди̉ти, и̓́жъ естъ үбогимъ, ле^ч̑ ласки бж҃ои по^в̑ны``; лѣпше`` сӕ щитити їер^с̑лимомъ и̉ до него́ сӕ горнути, а нижли до рыму, абовѣмъ въ їер^с̑лмѣ їс҃ хс҃ длӕ на^с̑ үме́ръ и̉ и̉з̾ мертвыхъ тамъ воскре^с̑, тамъ вознесесӕ на нб҃о, на үченїки свои̉ и̉ ап^с̑тли дх҃а ст҃ого послалъ, тамъ сӕ нш҃е сп҃ние ста́ло, та́мъ на вѣчную памӕ^т̑ и̉ гробъ сво`` ст҃ы`` ѡ̉ставилъ, тамъ по собѣ и̉ намѣсника своего, їӕ̉кова, патриарху, постанови̓́лъ. Чимъ рымъ лѣпшы`` естъ ѿ їер^с̑лима? Тамъ намѣсникъ їс҃ хв҃въ патриарха, а тутъ намѣсникъ ст҃ого петра, ѿц҃ъ па́пѣжъ; тамъ самого їс҃ хр^с̑та намѣсникъ, а тутъ за́сь слугѝ его̀; ту^т̑ гробъ їс҃ хр^с̑товъ, а тамъ за^с̑ гробъ петровъ Хто̀ үбогимъ їер^с̑лимомъ и̉ намѣсникомъ его гордитъ, правдиве же самымъ їс҃ хр^с̑томъ гордитъ. Длӕ чого маемо гордѣти цр҃ковию бж҃ою, ма^т̑кою нш҃ою и̉ ма^т̑кою всѣхъ цр҃кве``? Што в̾ не`` види̉мо прикрого, ал̾бо недосконалого? Нѣ машъ, за ла̀скою бж҃иею, в̾ церквѝ нш҃о`` жа́дного блу́дү, жадноѝ ереси, и̉ никгдысӕ не зна``детъ. Што разъ ѡ̓́на при̉нӕла̀ на седмыхъ вселенскихъ собора́хъ стверженыѝ и̉ постановленыѝ артикулы вѣры, до того́ часу́ всѣ в̾ цѣлости, ничого иепридаючи, а ни ү``муючи, заховуетъ. Не вѣдаю, хто́ такъ вашо`` кн҃же`` мл^с̑ти ѡ̉бридилъ еѝ и̉ ѡ̉мерзилъ, хто̀ ва́шү кн҃жүю милс^т̑ ѿ неѝ ѿвернулъ, а^л̑бо ѿворочаетъ; мовлю то̀ щире а правдиве: вѣчне на то́мъ небл҃гослове^н̑ство бж҃ие бу́детъ зостава́ло. Вѣдаемо всѣ мл^с̑т̑ кн҃же, по^д̑ ӕкнми конди̉цыӕ̉ми̉ страшными стороны ре́лїи̉ и̉ ѡ̉бовезками, и̉ клӕтвами̉ роди̉те^л̑ка вашо`` ки҃о`` мл^с̑ти з̾ того свѣта сходӕчи̉, зоста́вила; на чие`` то дш҃ѣ падетъ, г^с̑дь бг҃ъ же то вѣдаетъ, вѣдаемо, же ѿц҃евскаӕ клӕтъва высушае^т̑, а матери^н̑скаӕ выкоренӕ̓́етъ, ӕкъ пис̾мо мовитъ. Што за үтѣхү, за зыскъ тыѝ всѣ ѿнеслѝ и̉ ѿно́сӕтъ, которыѝ старожитноѝ своеѝ вѣры, длӕ марности того̀ мизерно-/м҃а/ го свѣта ѿступүютъ. Азажъ того̀ не види̉мо свои́ма ѡчи́ма, што сӕ дѣетъ? Пыталъ бымъ тыхъ всѣхъ, длӕ чого своѝ старожи^т̑ноѝ вѣры грече^с̑кои ѿступүютъ, длӕ чого̀ ею̀ гордӕтъ? Єслѝ длӕ му^д̑рости того́ свѣта, те́ды мүдрос^т̑ того̀ свѣта глүпство ес^т̑ ү бг҃а, ӕ́къ мовитъ ап^с̑тлъ; еслѝ длӕ ӕко́го блу́дү, те́ды за ласкою бж҃иею ни́гды в̾ црк҃вѣ х^с̑во`` жаденъ блу^д̑ сӕ не зна``шолъ и̉ на``доватисӕ не мо́жетъ. Сна^д̑нѣ`` тамъ на``доватисӕ може, где що ро́къ, то и̓́наче`` приложатъ, а̾лбо ү``му^т̑. Єсли жъ длӕ славы того̀ свѣта, те́ды то ес^т̑ ре^ч̑ мнѣ``шаӕ, една̀къ лѣпшую ты́е завше сла́ву и̉ повагү ү всѣхъ люде`` ма́ють, которыи́ су^т̑ в̾ вѣрѣ свое`` сталыѝ, а нижли̉ тыи́, што́ сӕ хвѣютъ, и̉ стате^ч̑не во свое`` вѣрѣ не триваютъ, и̉ тривати̉ не хотӕ̓́тъ. Азали не вели́кую славу мѣлъ к^с̑же ѡ̉строжское, воево̀да киев̾ски``, и̉ сынъ его̀, воевода волы^н̑ски``, на кѡторы^х̑ сӕ много ѡ̉глӕдало? Азажъ не вели̓́кую сла́ву мѣлъ в̾сюды ст҃ои па́мӕти родите^л̑ вашои кн҃жско`` мл^с̑ти, михаи̉лъ корыбутъ? Азажъ не по всѣхъ сторонахъ плынула слава мужества и̉ дѣл̾ности рыцерскоѝ? Аsажъ не былъ үтѣхѡю и под̾поро. всѣмъ правовѣрны^м; азажъ не ѡ̉глӕдалисӕ всѣ противныѝ? Азажъ не славными былѝ про^д̑кове вашо`` кн҃жо`` мл^с̑ти дѣл̾ностӕми рыцерскими в̾ коронѣ по^л̑ско``, почавши ѿ ѡ^л̑герда, прадѣда вашо`` кн҃жо`` мл^с̑ти, великого кн҃жати лито^в̑ского, и̉ сына его, ӕгелъла, которы`` былъ пото^м̑ кроле^м̑ по^л̑ски^м̑, и̉ дрүгѡго сына ѡ^л̑гердовѡго, дми̓́тра корыбута, кн҃жати сиверскѡго, про^д̑ковъ вашо`` кн҃жо`` мл^с̑ти ви̉шневе^ц̑кихъ, которогѡ сынъ жигмунътъ, длӕ вели̓́кои̉ дѣл̾ности̉ рыцерскои̉, взӕты`` былъ на кролевство че^с̑кое, и̉ иншые про^д̑ки и̉ поколѣнӕ вашо`` кн҃жо`` мл^с̑ти всѣ были сла́вныѝ и̉ му^ж̑ныѝ рыцерѝ, всѣ были релѣи̉ грецъкоѝ, а и̓́мъ тое ничо́го не шкоди̉ло, ты^м̑ барзѣ`` славнѣ``шыми былѝ? Азажъ бы то тепе́ръ үже през̾ вашу кн҃жую мл^с̑ть цного дому и̉ великихъ кнӕжа́тъ релїѝ грецкои̉ продковъ вашо`` кн҃жо`` мл^с̑ти сла́ва вѣкуѝстаѧ мѣла үставати, продкове вашо`` кн҃жо`` мл^с̑ти, ст҃ои памӕти родите^л̑ и̉ родите^л̑ка, споколѣнӕ были релѣи̉ грецкои̉, ва́ша кн҃жаӕ мл^с̑ть ты^л̑ко оди̓́нъ ѿ нихъ мѣлъ бы быти вылучонымъ? Не да`` того, бж҃е, абысӕ мѣлъ през̾ вашу кн҃жую мл^с̑ть домъ славноѝ релѣи̉ грецкоѝ зводити! Єслѝ тежъ длӕ вели̓́кого богатъства, и̉ то́ естъ в̾ рүкахъ бж҃їихъ; г^с̑дь бг҃ъ кому̀ хочетъ те́ды даетъ. Мы̀ просѝмо г^с̑да бг҃а и̉ проси̓́ти завше пови^н̑ны есте^с̑мо, абы вашу кн҃жую мл^с̑ть бг҃ъ свое́и̉ старожитноѝ ап^с̑тлскоѝ не допусти́лъ ѿступовати релїѝ; хоцто мовӕтъ ма́ло намъ жы^ч̑ливыѝ адверсоры наши, же то грецка хлопъска естъ вӕра. Єсли жъ такъ есть, ӕкъ ѡ̓́ны по-/м҃в/ вѣда́ютъ, те́ды хло́пскоѝ ре́лѣи̉ были и̉ цр҃еве грецкїе, и̉ велїкие монархове хло́пскоѝ вѣры были̉, ап^с̑тлове, патриархове, и̉ всѣ ст҃ыи ѿц҃ы всхо^д̑но`` церкви, которы^х̑ мы за вели̓́кїхъ почи̉та́емо и̉ сүть. Прошу те́ды вашу кн҃жүю мл^с̑ть үни̓́жене и̓́менемъ всего хр^с̑тиа^н̑ства и̉ и̓́менемъ всеи̉ црк҃ви, не дава``сӕ ваша кн҃жаӕ мл^с̑ть уводити̉ поли̉тицки̉ми рацыӕми̉; спо^мни ва́ша кн҃жаӕ мл^с̑ть на ст҃ои па́мӕти̉ роди̓́тели своѝ, ӕ̉кои̉ ѡ̉нѝ были побожности, ӕкого набоже^н̑ства, ӕко́и̉ вѣ̀ры, не хлопъскоѝ, не еретицкоѝ, не поде``зроноѝ, мѣли сто́е ро́зүму, знали̉сӕ на ре́чахъ, але вѣры, мѡвлю, были̉ старожитноѝ, ап^с̑тлкоѝ; всходноѝ црк҃ви, чистоѝ и̉ непокалӕ^н̑ноѝ, жадными вымыслами людскими̉ незмаза^н̑ноѝ. Чемү ваша кн҃жаӕ мл^с̑ть не маешъ продковъ свои̉хъ вѣры наслѣдова́ти, в̾ которо``сӕ ваша кн҃жаӕ мл^с̑ть народи̓́лъ? Абовѣмъ ни̉ в̾ чо́мъ не естъ поде``зре́на, не до чужо́ѝ, але до своеѝ ма^т̑ки црк҃ви бж҃о`` наве́рнешъ. Не мае́те ва́ша кн҃жаӕ мл^с̑ть на што сӕ ѡ̉глӕда́ти; не ди^в̑ то в̾ молоды^х̑ лѣтехъ дасти̉сӕ үвести̉ мо́вами̉ лю^д̑ски̉ми̉; а часомъ то быва́етъ в̾ молоды^х̑ дитинъныхъ лѣтехъ и̉ презъ му^с̑, але то всѐ ни̉чо́го; кгды̀ ваша кн҃жаӕ мл^с̑ть захочешъ заразъ, то всѐ үчинити зможешъ. Маешъ ва́ша кн҃жаӕ мл^с̑ть з̾ ла^с̑ки бж҃еѝ в̾ маетностӕ^х̑ свои̉хъ црк҃ви, и̉ монастыро́въ, дүховныхъ ѡ̉собъ до́си^т̑; нетреба шукати̉ гдѐ и̓́нъде ; чого ваша кн҃жаӕ мл^с̑ть потребовати̉ бу́детъ, всѐ сна^д̑не ѡ̉де́ржишъ. Мы̀ една́къ до конца нево^н̑тпи̉мо ѡ̉ му́дро^м̑, и̉ розсүдномъ, и̉ үважномъ баченю вашо`` к^с̑женцӕ мл^с̑ти, и̉жъ ваша к^с̑нцӕ мило^с̑ть не до ко^н̑ца на^с̑ засмути̓́ти захочешъ, не до ко^н̑ца цр҃ковъ бж҃ию в̾ непамӕ^т̑ заки́нути дозволишъ. На и̓́мӕ бж҃ие все дүхове^н̑ство, все хр^с̑ти̉ӕ^н̑ство, үниженїе апла^с̑ливе проси̉мо, не горди ваша кн҃жаӕ мл^с̑ть вѣрою свое́ю, в̾ которо`` водою́ и̉ дх҃омъ есте^с̑ үрожоны``, але навернисӕ до црк҃ви бж҃еѝ, ма^т̑ки своеи̉ приро^д̑ноѝ, а үтѣшъ на^с̑ всѣхъ; и̉ кгды̀ ваша кн҃жаӕ мл^с̑ть побожне учини̓́ти ра́чишъ, бл҃гослове^н̑ство бж҃ие и̉ роди́те^л̑ское вѣчне на вашо`` кн҃жо`` мл^с̑ти ѡ̉почивати бүдетъ, и̉ всю̀ црк҃овъ и̉ все хр^с̑тиӕ^н̑ство релїѝ старожитноѝ үтѣши̉шъ, и̉ ту^т̑ на землѣ щасли̉ве и̉ фортү^н̑не вѣкъ сво`` препроводи^в̑ши, власцѣ́ бж҃о`` векуи^с̑ты`` живо^т̑ ѡ̉дѣдичишъ. Ами^н̑.

Ваше`` к^с̑жци милости пана пана мое^г̑ мл^с̑тиво^г̑ үнижоны`` слүга и бг҃омо^л̑ца исаи̉ѧ копи^н̑ски``, митрополитъ киѡ̉в̾ски``, рүкою власною. /м҃г/

http://litopys.org.ua/

На предыдущую страницу | На главную страницу